VPN/ प्रॉक्सीद्वारे वेबसाइट आणि ONDC सेवा वापरणे

तुमचे वास्तविक भौगोलिक स्थान लपविणारी किंवा तुमच्या स्थानाचे चुकीचे तपशील देणारी कोणतीही यंत्रणा किंवा तंत्रज्ञानाद्वारे तुम्ही ONDC वेबसाइटवर प्रवेश करू नये किंवा वापरू नये (उदाहरणार्थ, सेवांमध्ये प्रवेश करण्यासाठी आभासी खाजगी नेटवर्क (VPN/प्रॉक्सी) वापरणे).

तुम्ही तुमचे वास्तविक भौगोलिक स्थान (उदाहरणार्थ, VPN, प्रॉक्सी इ.) लपविण्याच्या उद्देशाने कोणतीही यंत्रणा किंवा तंत्रज्ञान वापरून ONDC वेबसाइटवर प्रवेश केल्यास, तुमच्या अशा यंत्रणा/तंत्रज्ञानाच्या वापरामुळे तुमच्या वैयक्तिक माहितीचे किंवा डेटाचे संकलन, स्टोरेज किंवा प्रक्रिया करण्यासाठी ONDC जबाबदार किंवा उत्तरदायी असणार नाही.

वैयक्तिक माहितीचे संकलन आणि त्याचा वापर

विशिष्ट व्यक्ती किंवा नैसर्गिक व्यक्तीची ओळख (प्रत्यक्ष किंवा अप्रत्यक्षपणे) दर्शविणारी कोणतीही माहिती जसे की त्या व्यक्तीचे नाव, पोस्टल पत्ता, ईमेल अ‍ॅड्रेस आणि त्या विशिष्ट व्यक्तीला सूचित करणारा किंवा तिची ओळख दाखविणारा मोबाइल नंबर अशी कोणतीही माहिती ‘वैयक्तिक माहिती’ किंवा ‘PII’ म्हणून परिभाषित केली जाते. जेव्हा निनावी माहिती प्रत्यक्ष किंवा अप्रत्यक्षपणे वैयक्तिक माहितीशी संबंधित असते, तेव्हा परिणामी माहिती देखील वैयक्तिक माहिती म्हणून हाताळली जाऊ शकते.

ONDC तुमच्या संमतीशिवाय PII गोळा करत नाही. ONDC आणि त्याचे सेवा भागीदार त्यांची वेबसाइट ऑपरेट करण्यासाठी आणि सेवा प्रदान करण्यासाठी तुमचा PII वापरू शकतात.

I. तुम्ही आम्हाला प्रदान केलेली माहिती

तुम्ही वेबसाइट वापरता, तेव्हा आम्ही तुमच्याबद्दल पुढील वैयक्तिक माहिती मागू आणि गोळा करू शकतो आणि या माहितीशिवाय तुम्ही विनंती केलेल्या सर्व सेवा आम्ही प्रदान करू शकणार नाही;

ए. नोंदणी माहिती

वेबसाइटवर आणि सेवांसाठी काही वैशिष्ट्ये वापरण्यासाठी, तुम्ही वेबसाइटवर उपलब्ध असलेल्या फॉर्मद्वारे मूलभूत संपर्क माहिती प्रदान करू शकता, ज्यामध्ये पुढील समाविष्ट आहे परंतु तेवढ्या पुरतेच मर्यादित नाही:

पहिले नाव

आडनाव

ईमेल अ‍ॅड्रेस

फोन नंबर

II. तुम्ही आम्हाला स्वेच्छेने प्रदान केलेली माहिती

जर तुम्ही आम्हाला वैयक्तिक पत्रव्यवहार पाठवलात, जसे की ईमेल किंवा पत्रे, किंवा इतर वापरकर्ते किंवा तृतीय पक्षांनी आम्हाला तुमच्या क्रिया किंवा वेबसाइटवरील पोस्टिंग पाठवल्या, तर आम्ही अशी माहिती संकलित आणि संग्रहित करू शकतो.

आम्ही इतर वेळी अतिरिक्त माहिती गोळा करू शकतो, जसे की जेव्हा तुम्ही फीडबॅक देता, तुमची ईमेल प्राधान्ये बदलता, सर्वेक्षणांना प्रतिसाद देता किंवा आमच्याशी संवाद साधता तेव्हा. या माहितीमध्ये तुमचे नाव, ई-मेल ID, मोबाईल नंबर, लोकेशन इत्यादींचा समावेश असू शकतो

III. अशी माहिती जी आम्ही आपोआप गोळा करतो

आम्‍ही तुमच्या आणि तुमच्या सेवेच्या वापराबद्दल, आमच्‍यासोबत आणि आमच्या सेवा भागीदारांसोबतच्‍या संवादाविषयी तसेच तुमच्‍या काँप्युटर किंवा आमची सेवा वापरण्यासाठी वापरात येणारी इतर डिवाइस (जसे की मोबाइल डिवाइस, टॅब्लेट आणि इतर पाहण्‍याचे डिवाइस) विषयी माहिती संकलित करतो. या माहितीमध्ये खालील गोष्टी समाविष्ट असू शकतात, परंतु ते तेवढ्या पुरतेच मर्यादित नाही:

वेबसाइटवरील क्रिया, जसे की पाहिलेल्या पृष्ठांचे प्रकार, पृष्ठांवर घालवलेला वेळ, काय शोधले, इ.

जाहिरात ओळखकर्ता, जसे की ब्राउझरवरील कुकी ID च्या स्वरूपात वेबसाइटवर आढळणारे;

कुकीज आणि इतर तंत्रज्ञानाच्या वापराद्वारे गोळा केलेली माहिती*

*टीप:

आमच्या वापरकर्त्यांसाठी "वेबसाइटची" प्रतिसादक्षमता सुधारण्यासाठी, वापरकर्ता ज्या कम्प्युटरचा वापर करतायत, त्याद्वारे त्यांची वैयक्तिक स्वारस्ये समजून घेण्यासाठी, आम्ही वेबसाइटवर भेट देणार्‍या प्रत्येक व्यक्तिला एक अद्वितीय, रॅनडम क्रमांक वापरकर्ता ओळख ("वापरकर्ता ID") म्हणून देऊन, त्यांची माहिती गोळा करण्यासाठी "कुकीज" किंवा तत्सम इलेक्ट्रॉनिक साधने वापरू शकतो. जोपर्यंत तुम्ही स्वेच्छेने स्वतःची ओळख पटवत नाही (उदाहरणार्थ, नोंदणीद्वारे), तोपर्यंत आम्ही तुमच्या कम्प्युटरवर कुकी जरी ठेवली, तरीही तुम्ही कोण आहात हे आम्हाला कळणार नाही. कुकी वर तेवढीच वैयक्तिक माहिती गोळा होऊ शकते जेवढी तुम्ही पुरवता. कुकी तुमच्या हार्ड ड्राइव्हवरून डेटा वाचू शकत नाही. आमचे जाहिरातदार सुद्धा त्यांच्या स्वतःच्या कुकीज तुमच्या ब्राउझरवर (जर तुम्ही त्यांच्या जाहिरातींवर क्लिक केले तर) ठेऊ शकतात, ही प्रक्रिया आम्ही नियंत्रित करत नाही. जेव्हा तुम्ही आमच्या वेबसाइटद्वारे, तुमच्या कम्प्युटर/लॅपटॉप/नोटबुक/मोबाइल/टॅब्लेट/पॅड/हँडहेल्ड डिव्हाइसद्वारे किंवा इंटरनेटशी कनेक्ट करण्यात सक्षम असलेल्या कोणत्याही इलेक्ट्रॉनिक डिवाइसद्वारे आमच्याशी संवाद साधता, तेव्हा आम्ही विशिष्ट प्रकारची माहिती प्राप्त करतो आणि संग्रहित करतो. अधिक तपशीलांसाठी, तुम्ही आमच्या कुकी धोरणाचा संदर्भ घेऊ शकता.

प्रक्रियेचा उद्देश आणि कायदेशीरपणा

वेबसाइट तुमच्याबद्दलची वैयक्तिक माहिती फक्त तेव्हाच गोळा करेल आणि त्यावर प्रक्रिया करेल जेव्हा आमच्याकडे त्यासाठी कायदेशीर आधार असेल. ज्या कायदेशीर आधारावर आम्ही तुमच्या वैयक्तिक माहितीवर प्रक्रिया करू, त्यामध्ये तुमच्या वैयक्तिक माहितीवर प्रक्रिया करण्यासाठी किंवा "कायदेशीर स्वारस्यांसाठी" प्रक्रिया करण्यासाठी तुमच्याकडून स्पष्ट संमती मिळवणे समाविष्ट आहे. हे तेव्हाच केले जाईल जेव्हा तुम्हाला आमच्या सेवा प्रदान करण्यासाठी अशी प्रक्रिया करणे आवश्यक असेल.

आम्ही आमच्या सेवा देण्यासाठी, सेवा आणि मार्केटिंग कार्यांचे विश्लेषण करण्यासाठी, प्रशासित करण्यासाठी, वाढविणयसाठी आणि वैयक्तिकृत करण्यासाठी, तुमच्या नोंदणीवर प्रक्रिया करण्यासाठी आणि खाली नमूद केलेल्या प्रकरणांशी संबंधित तुमच्याशी संवाद साधण्यासाठी माहिती वापरतो. उदाहरणार्थ, आम्ही माहिती पुढील गोष्टींसाठी वापरतो:

तुमच्या वैयक्तिक माहितीचा मुख्य उपयोग तुमची ओळख सत्यापित करण्यासाठी केला जातो; यामुळे आम्हाला सेवा देण्यात आणि त्या प्रशासित करण्यात मदत मिळते.

आमच्या सेवांबद्दल तुमच्याशी संवाद साधणे (उदाहरणार्थ ईमेल, पुश नोटिफिकेशन्स टेक्स्ट मेसेजिंग आणि ऑनलाइन मेसेजिंग चॅनेल), जेणेकरून आम्ही तुम्हाला वेबसाइटशी संबंधित बातम्या, रोजगाराच्या संधी आणि पूर्वी आमच्याशी संबंधित असलेल्या लोकांच्या नेटवर्कशी संबंधित अपडेट्सबद्दल माहिती देऊ शकतो

तुमच्या गरजा निश्चित करणे आणि अशा विविध विषयांवर वैयक्तिकृत सूचना, टिपा आणि प्रमोशनल कंटेंट देणे ज्यात तुम्हाला स्वारस्य असेल असे आम्हाला वाटते;

फसवणुकीसह संभाव्य प्रतिबंधित किंवा बेकायदेशीर क्रियाकलाप प्रतिबंधित करणे, शोधणे आणि तपास करणे;

आमच्या प्रेक्षकांचे विश्लेषण करणे आणि समजून घेणे, आमची सेवा सुधारणे (आमच्या वापरकर्ता इंटरफेस अनुभवांसह);

सेवेच्या अटींमधील बदलांबद्दल तुम्हाला सूचित करणे.

तुम्ही वापरत असलेल्या डिवाइसच्या माध्यमातून किंवा तत्सम तंत्रज्ञानाच्या माध्यमातून आमच्याकडे ज्या कुकीज, IP अ‍ॅड्रेस, वेब बीकन्स संबंधित डेटा जमा होतो, तो वापरून आम्ही पर्सनलाईझ माहिती देतो. असे केल्याने, आम्ही तुम्हाला असा कंटेंट आणि/किंवा जाहिराती दाखवू शकतो ज्या तुमच्या स्वारस्यांशी अधिक संबंधित आहेत असे आम्हाला वाटते. जेव्हा आम्ही तुमचा डेटा गोळा करतो त्यावेळेस कृपया यासाठी स्पष्ट संमती द्यावी.

तुम्ही [email protected] वर कुकीज कॅप्चर करण्याच्या संदर्भात तुमच्या संमतीच्या पर्यायांमध्ये बदल करण्याची विनंती देखील करू शकता.

कंपनी वापरत आसलेली माहिती

वापरकर्त्यांनी दिलेल्या माहितीमुळे आम्ही आमच्या सेवा सुधारू शकतो आणि तुम्हाला फारच वापरकर्ता-अनुकूल अनुभव देऊ शकतो.

तुम्ही दिलेली कोणतीही वैयक्तिकरित्या ओळख पटण्याजोगी माहिती, जर फेसबुक, ट्विटर इत्यादी सोशल प्लॅटफॉर्मवरील कमेन्ट्स, मेसेजेस, ब्लॉग किंवा स्क्रिबल यासारख्या सार्वजनिक डोमेनवर मुक्तपणे उपलब्ध असेल आणि/किंवा अ‍ॅक्सेस करण्यासारखी असेल, तर त्याला संवेदनशील मानली जाणार नाही. वेबसाइट किंवा अ‍ॅप्लिकेशनवरील सार्वजनिक विभागांवर वापरकर्त्याने पोस्ट केलेला/अपलोड केलेला/अ‍ॅक्सेस केलेला/संगीतलेला कोणताही कंटेंट हा प्रकाशित कंटेंट मानल्या जातो आणि या गोपनीयता धोरणाच्या अधीन राहून, वैयक्तिकरित्या ओळखण्याजोगी माहिती मानली जात नाही. जर तुम्ही वैयक्तिकरित्या ओळखण्यायोग्य माहिती सबमिट करण्यास नकार दिला, तर कदाचित आम्ही तुम्हाला काही सेवा देऊ शकणार नाही. कोणत्याही परिस्थितीत, तुम्ही आवश्यक वैयक्तिक माहिती न दिल्यामुळे जर तुम्हाला कोणत्या सेवा नाकारल्या गेल्या, तर त्यासाठी आम्ही जबाबदार आणि/किंवा उत्तरदायी राहणार नाही. वेबसाइटवर नोंदणी केल्यानंतर, तुमची वैयक्तिक माहिती अपडेट करण्यासाठी आम्ही वेळोवेळी तुमच्याशी संपर्क साधतो जेणेकरून आम्ही तुम्हाला अशा काही सुविधा देऊ शकू ज्यामुळे तुम्हाला फायदा होऊ शकेल/ज्यात तुम्हाला स्वारस्य असेल असे आम्हाला वाटते.

तृतीय पक्षांना केलेले डिस्क्लोजर

ए. सामान्य डिस्क्लोजर

काही वेळा वेबसाइट वर सेवा देणार्‍या किंवा वेबसाइटला वापरकर्त्यांपर्यंत पोहोचवणार्‍या महत्वाच्या भागीदारांना, आम्ही तुमची विशिष्ट वैयक्तिक माहिती उपलब्ध करून देऊ शकतो. ही वैयक्तिक माहिती फक्त आमच्या सेवा देण्यासाथी आणि सुधारण्यासाठी तसेच मार्केटिंग पैलू सुधारण्यासाठी शेअर केली जाईल; ती तृतीय पक्षांसह त्यांच्या मार्केटिंग हेतूंसाठी शेअर केली जाणार नाही. आम्ही तुमची वैयक्तिक माहिती खालील व्यक्तींशी शेअर करू शकतो:

सहयोगी कंपन्या

आमचे अ‍ॅनॅलीटीक भागीदार

आमचे अकाऊंटंट, ऑडिटर आणि वकीलांसह आमचे व्यावसायिक सल्लागार;

इतर दूरसंचार आणि माहिती सेवा प्रदाते;

कायद्यानुसार आवश्यक असलेल्या IP अ‍ॅड्रेस सारख्या वैयक्तिक नोंदी उघड करून; किंवा

कायद्यानुसार आवश्यक आणि अधिकृत केल्यानुसार सरकारी आणि नियामक अधिकारी आणि इतर संस्थांना. आम्ही हे सुनिश्चित करू की हे लोक केवळ वरील नमूद कार्ये करण्यासाठीच या माहितीचा वापर करतील आणि तुमच्या डेटाला सुरक्षितपणे हाताळण्यासाठी त्यांच्याकडे पुरेशा प्रक्रिया आहेत. यातील काही लोक भारताबाहेरील असू शकतात.

ONDC दुसर्‍या कंपनीत विलीन झाल्यास किंवा त्याला कोणी विकत घेतल्यास किंवा व्यवसायाचे पुनर्रव्यवस्थापन किंवा पुनर्रचना झाल्यास, आम्ही आणि/किंवा आमचे सहयोगी, तुमची वैयक्तिक माहिती, संपूर्ण किंवा अंशतः, दुसर्‍या व्यावसायिक संस्थेशी शेअर करू शकतो.

बी. सेवा प्रदाता

गोपनीयता धोरणामध्ये नमूद केलेल्या उद्देशांनुसार, तुमच्या वैयक्तिक माहितीचे व्यवस्थापन आणि त्यावर प्रक्रिया करण्यासाठी, उदाहरणार्थ आमच्या वेबसाइट्स किंवा सेवांच्या वापराशी संबंधित क्रियांच्या होस्टिंगसाठी आम्ही तृतीय पक्ष प्रोसेसर वापरत असल्यास आम्ही तुमची माहिती उघड करू शकतो. वेबसाइटमध्ये विविध तृतीय-पक्ष वेबसाइट्सच्या लिंक्सचा समावेश असू शकतो जे तुमची वैयक्तिक माहिती गोळा करू शकतात. असे तृतीय-पक्ष प्लॅटफॉर्म आमच्या नियंत्रणाबाहेर आहेत आणि त्यांनी गोळा केलेल्या तुमच्या माहितीचा वापर, त्याच्या गोपनीयता धोरणाद्वारे च्या अधीन असेल. एकदा तुम्ही आमचे सर्व्हर सोडले की (तुमच्या ब्राउझरवरील स्थान बारमधील URL तपासून तुम्ही कुठे आहात हे तुम्ही सांगू शकता), तुम्ही दिलेल्या कोणत्याही माहितीचा वापर, तुम्ही भेट देत असलेल्या/वापरत असलेल्या वेबसाइट/अ‍ॅप्लिकेशनच्या ऑपरेटरच्या गोपनीयता धोरणाच्या अधीन असते. ते धोरण कदाचित आमच्यापेक्षा वेगळे असू शकते. आम्ही वैयक्तिकरित्या ओळखण्यायोग्य नसलेली माहिती, सार्वजनिकरित्या आणि आमच्या सेवा भागीदारांसह शेअर करू शकतो. उदाहरणार्थ, आम्ही आमच्या सेवांच्या सामान्य वापराबद्दल ट्रेंड दर्शविण्यासाठी माहिती सार्वजनिकपणे शेअर करतो.

सी. कायदेशीर

वेबसाइट तुमची वैयक्तिकरित्या ओळखण्यायोग्य माहिती उघड करू शकते जर तसे करणे कायद्यानुसार आवश्यक असेल किंवा आमच्या वेबसाइटवरील तुमच्या कृतींनी सेवा/वापर अटींचे किंवा विशिष्ट उत्पादने किंवा सेवांसाठी आमच्या कोणत्याही वापर मार्गदर्शक तत्त्वांचे उल्लंघन होत असेल किंवा खालील नमूद गोष्टींसाठी अशी कृती आवश्यक आहे आम्हाला वाटत असेल:

कायद्याच्या आदेशांचे पालन करण्यासाठी किंवा वेबसाइटवर किंवा तिच्या मालकांवर केलेल्या कायदेशीर कारवाईचे पालन करण्यासाठी;

वेबसाइटच मालक, वेबसाइट किंवा वेबसाइटच्या वापरकर्त्यांच्या हक्कांचे किंवा मालमत्तेचे संरक्षण आणि बचाव करण्यासाठी;

वेबसाइट, साइट, तिचे मालक किंवा सार्वजनिक वापरकर्त्यांच्या वैयक्तिक सुरक्षिततेचे अत्यावश्यक परिस्थितीत रक्षण करण्यासाठी.

सल्ला मिळविण्यासाठी तृतीय पक्षांसोबत (जसे की ऑडिटर किंवा कायदेशीर सल्लागार) तपशील शेअर करण्यासाठी. सर्व वैधानिक डेटा संरक्षण अधिकारांचे जतन करून, कायद्यानुसार आवश्यक असलेल्या कराराद्वारे अशा सर्व प्रक्रिया नियंत्रित केल्या जातील.

तुमची नियंत्रणे आणि निवडी

ए. तुमची माहिती व्यवस्थापित करणे

जेव्हा तुम्ही ONDC (वेबसाइट्स किंवा त्‍याच्‍या उप साईट्‍स) च्‍या सेवा वापरता, तेव्हा तुमच्या विनंतीनुसार तुम्हाला तुमच्‍या वैयक्तिक माहितीचा अ‍ॅक्सेस देण्यासाठी आम्ही सर्व वाजवी प्रयत्‍न करतो. कोणतीही वैयक्तिक माहिती किंवा इतर माहिती चुकीची किंवा कमी असल्‍याचे आढळल्‍यास, ती शक्यतो दुरुस्‍त केली जाईल याची आम्ही खात्री करू, परंतु अशी वैयक्तिक माहिती किंवा इतर माहिती कायद्याद्वारे किंवा कायदेशीर व्यावसायिक हेतूंसाठी राखून ठेवण्यासाठी कोणत्याही आवश्यकतांच्या अधीन राहून.

अशा विनंत्यांवर प्रक्रिया करण्यापूर्वी, आम्ही वैयक्तिक वापरकर्त्यांना स्वतःची आणि माहितीचा अॅक्सेस, त्यात दुरूस्ती किंवा काढून टाकण्याची विनंती केलेली माहिती ओळखण्यास सांगतो. अवास्तविकरित्या वारंवार येणार्‍या किंवा पद्धतशीर असलेल्या, खूपच जास्त तांत्रिक प्रयत्नांची आवश्यकता असलेल्या, इतरांच्या गोपनीयतेला धोका निर्माण करणाऱ्या, किंवा अत्यंत अव्यवहार्य (उदाहरणार्थ, बॅकअप टेप्स वर असलेल्या माहिती बद्दल विनंती) अशा विनंत्यांवर प्रक्रिया करण्यास नकार देऊ शकतो. कोणत्याही परिस्थितीत, महितीचा अॅक्सेस आणि त्यात सुधारणा करण्याची सेवा आम्ही विनामूल्य देतो, पण जर असे करण्याला अत्यधिक प्रयत्नांची आवश्यकता नसेल तरच. आम्ही ज्या पद्धतीने काही सेवा राखतो, त्यामुळे तुम्ही तुमची माहिती हटवल्यानंतर सुद्धा त्याच्या उरलेल्या प्रती आमच्या सक्रिय सर्व्हरवरून हटवण्यासाठी थोडा कालावधी लागू शकतो आणि त्या आमच्या बॅकअप सिस्टममध्ये राहू शकतात.

डेटा विषय म्हणून तुम्हाला लागू असलेल्या अधिकारांचा वापर करण्यासाठी, तुम्ही आम्हाला [email protected] वर लिहू शकता आणि निर्दिष्ट अधिकारासाठी विनंती करू शकता. तुमच्या विनंत्यांवर जलद आणि अधिक कार्यक्षमतेने प्रक्रिया करण्यात आम्हाला मदत करण्यासाठी, कृपया अशा सर्व विनंत्या मांडताना विषय ओळीत (उदा. डेटा प्रवेश विनंती, डेटा पोर्टेबिलिटी विनंती, डेटा हटवण्याची विनंती) तुम्ही योग्य भाषा वापरत असल्याची खात्री करा.

तुमची वैयक्तिक माहिती गोळा करणे, वापर करणे आणि शेअर करण्यासंबंधी आम्ही तुम्हाला काही नियंत्रणे आणि निवडी देतो. लागू कायद्यानुसार, तुमच्या नियंत्र आणि निवडींमध्ये खालील समाविष्ट असू शकते:

बी. चुकीची किंवा अपूर्ण माहिती दुरुस्त करणे

तुम्ही आम्हाला ई-मेल पाठवून तुमच्याशी संबंधित चुकीची किंवा अपूर्ण वैयक्तिक माहिती दुरुस्त करण्यास सांगू शकता (ही अशी माहिती असते जी तुम्ही तुमच्या ONDC अकाऊंटमध्ये अपडेट करू शकत नाही). तुम्ही तुमच्या अकाऊंट सेटिंग्जद्वारे तुमची काही वैयक्तिक माहिती अ‍ॅक्सेस आणि अपडेट करू शकता. तुमची वैयक्तिक माहिती अद्ययावत ठेवण्याची जबाबदारी तुमची आहे. तुमच्या वैयक्तिक माहितीची अचूकता राखण्यासाठी वेबसाइट तुम्हाला ईमेलद्वारे थोड्या थोड्या दिवसांनी रीमाइंडर पाठवू शकते.

सी. डेटा राहू देणे आणि काढून टाकणे

या धोरणामध्ये निर्दिष्ट केलेल्या कायदेशीर हितसंबंधांसाठी आणि आमच्या कायदेशीर दायित्वांचे पालन करण्यासाठी आम्ही तुमची वैयक्तिक माहिती जोपर्यंत आवश्यक आहे तोपर्यंत जतन करून ठेवतो. आम्ही तुमची माहिती वापरू नये अशी तुमची इच्छा असल्यास, आम्ही तुमची वैयक्तिक माहिती काढून टाकावी आणि तुमचे अकाऊंट बंद करावे अशी तुम्ही विनंती करू शकता. कृपया लक्षात घ्या की तुम्ही तुमची वैयक्तिक माहिती काढून टाकण्याची विनंती केल्यास;

फसवणूक शोधणे आणि रोकणे आणि सुरक्षितता वाढवणे यासारख्या आमच्या कायदेशीर व्यावसायिक हितसंबंधांसाठी आम्ही तुमची काही वैयक्तिक माहिती राखून ठेवू शकतो.

सार्वजनिक आरोग्याच्या क्षेत्रातील कारणांसाठी आणि आमच्या कायदेशीर जबाबदाऱ्या आणि सार्वजनिक हितसंबंधांचे पालन करण्यासाठी आम्ही तुमची वैयक्तिक माहिती राखून ठेवू आणि वापरू शकतो. उदाहरणार्थ, आम्ही तुमची काही माहिती कर, कायदेशीर अहवाल आणि ऑडिटिंग दायित्वांसाठी ठेवू शकतो.

तुम्ही इतरांसोबत शेअर केलेली माहिती (उदा., पुनरावलोकने, फोरम पोस्टिंग) तुमचे खाते रद्द झाल्यानंतरही वेबसाइटवर सार्वजनिकपणे दिसू शकते. पण अशा माहितीवरून तुमचे नाव काढून टाकले जाईल. याव्यतिरिक्त, तुमच्या माहितीच्या काही प्रती (उदा. लॉग रेकॉर्ड) आमच्या डेटाबेसमध्ये राहू शकतात, परंतु वैयक्तिक ओळखीपासून ते वेगळे केले जातात.

अपघाती किंवा दुर्भावनेने मुद्दाम केलेल्या नुकसान आणि विनाशापासून संरक्षण करण्यासाठी आम्ही वैयक्तिक माहितीच्या प्रती ठेवत असल्यामुळे, मर्यादित कालावधीसाठी तुमच्या वैयक्तिक माहितीच्या उर्वरित प्रती आमच्या बॅकअप सिस्टममधून काढल्या जाऊ शकत नाहीत.

सार्वजनिक हित, वैज्ञानिक किंवा ऐतिहासिक संशोधन हेतू किंवा सांख्यिकीय हेतूंसाठी संग्रहित करण्याच्या उद्देशाने.

डी. संमती मागे घेणे आणि प्रक्रियेचे निर्बंध

आमच्याबरोबरच्या तुमच्या सेवांच्या कार्यकाळात कधीही तुमची संमती मागे घेण्यासाठी, तुम्ही आम्हाला [email protected] वर ई-मेल पाठवून तसे कळवू शकता. आम्ही तुमच्या विनंतीचे पुनरावलोकन करू आणि तुम्हाला तुमची ओळख सत्यापित करण्यास सांगू. पडताळणीनंतर आम्ही तुमच्याद्वारे विनंती केलेली संमती मागे घेऊ आणि तुमच्या वैयक्तिक माहितीची पुढील प्रक्रिया थांबवू.

इ. प्रक्रियेवर आक्षेप

जर तुमच्या वैयक्तिक माहितीवर थेट मार्केटिंगसाठी प्रक्रिया केली जात असेल, तर तुम्ही आम्हाला ईमेल पाठवून या थेट मार्केटिंगसाठी तुमच्या डेटावर प्रक्रिया करणे थांबवण्यास सांगू शकता. कृपया लक्षात ठेवा की जर तुम्ही आम्हाला तुमच्याकडून वैयक्तिक माहिती गोळा करण्याची परवानगी दिली नाही, तर आम्ही तुम्हाला काही अनुभव, उत्पादने आणि सेवा देऊ शकणार नाही आणि आमच्या काही सेवा तुमच्या आवडी आणि प्राधान्ये विचारात घेऊ शकणार नाहीत. वैयक्तिक माहिती गोळा करणे अनिवार्य असल्यास, आम्ही ते संकलनाच्या ठिकाणी स्पष्ट करू जेणेकरुन तुम्ही सहभागी व्हावे की नाही याबद्दल विचारपूर्वक निर्णय घेऊ शकाल. आम्ही प्रक्रिया करत असलेल्या किंवा राखून ठेवलेल्या तुमच्याबद्दलच्या विशिष्ट वैयक्तिक माहितीबद्दल आणि त्या वैयक्तिक माहितीशी संबंधित तुमचे अधिकार याबद्दल तुम्हाला प्रश्न असल्यास, कृपया आमच्या कस्टमर सपोर्ट टीमशी संपर्क साधा.

मुलांची गोपनीयता

वेबसाइट हेतुपुरस्सर 18 वर्षांपेक्षा कमी वयाच्या व्यक्तींसाठी डिजाइन किंवा त्यांच्या करिता बनवलेली नाही. ONDC जाणूनबुजून 18 वर्षांपेक्षा कमी वयाच्या कोणत्याही व्यक्तीला सेवांमध्ये नोंदणी करण्यासाठी किंवा इतर कोणतीही वैयक्तिकरित्या ओळखणारी माहिती देण्याची परवानगी देत नाही. 18 वर्षांपेक्षा कमी वयाच्या व्यक्तींची कोणतीही वैयक्तिकरित्या ओळखण्यायोग्य माहिती पालकांच्या सत्यापित संमतीशिवाय वेबसाइटवर संकलित केली गेली आहे असे ONDC च्या लक्षात आले, तर ONDC अशी कोणतीही माहिती हटवण्यासाठी आणि पालकांना सूचित करण्यासाठी योग्य पावले उचलेल.

परंतु, आमच्या मते, मुलांच्या आमच्या सेवांच्या वापरावर लक्ष ठेवणे ही पालकांची जबाबदारी आहे. तरीही, 18 वर्षांपेक्षा कमी वयाच्या मुलांकडून कोणतीही वैयक्तिक माहिती गोळा करून त्यावर प्रक्रिया करू नये किंवा त्या श्रेणीतील व्यक्तींना कोणतेही प्रमोशनल साहित्य पाठवू नये हे आमचे धोरण आहे. ONDC मुलांकडून कोणतीही वैयक्तिक माहिती मागत नाही किंवा मिळवू इच्छित नाही. जर पालकांना किंवा गर्डियनला असे वाटले की एखाद्या अल्पवयीन व्यक्तीने त्यांच्या पूर्व संमतीशिवाय ONDC ला वैयक्तिक माहिती प्रदान केली आहे, तर त्यांनी वेबसाइटवरून वैयक्तिक माहिती काढून टाकली जावी यासाठी कृपया [email protected] वर संपर्क साधावा.

सुरक्षा आणि कायद्यांचे पालन

अनधिकृत अ‍ॅक्सेस, नुकसान, नाश किंवा बदल यापासून तुमची माहिती सुरक्षित ठेवण्यसाठी आम्ही व्यवस्थापकीय, तांत्रिक आणि भौतिक सुरक्षा उपायांची सतत अंमलबजावणी आणि त्यांना अपडेट करत राहतो. तुमच्या माहितीचे संरक्षण करण्यासाठी आम्ही फायरवॉल आणि डेटा एन्क्रिप्शन आणि इन्फॉर्मेशन अ‍ॅक्सेस कंट्रोल्स सारखे काही सुरक्षा उपाय वापरू शकतो. तुमचे अकाऊंट क्रेडेन्शियल्स हरवले आहेत, चोरीला गेले आहेत, बदलले गेले आहेत किंवा अन्यथा त्यात गडबड केली गेली आहे किंवा तुमच्या अकाऊंटचा कोणताही वास्तविक किंवा संशयास्पद अनधिकृत वापर झाला आहे असे तुम्हाला वाटत असल्यास, कृपया आमच्या कस्टमर सपोर्ट टीमशी संपर्क साधा.

धोरणात बदल

हे गोपनीयता धोरण वेळोवेळी बदलू शकते. लागू कायद्यांचे पालन सुनिश्चित करण्यासाठी या गोपनीयता धोरणाच्या अटींमध्ये वेळोवेळी आमच्या विवेकबुद्धीनुसार सुधारणा करण्याचा अधिकार आम्ही राखून ठेवतो (“अपडेट केलेल्या अटी”). अपडेट केलेल्या अटी तात्काळ प्रभावी होतील आणि या गोपनीयता धोरणाच्या अटींची जागा घेतील. धोरणात केलेले बदल तुमच्या अधिकारांवर लक्षणीय परिणाम करत असतील किंवा कायद्यानुसार आवश्यक असतील, तर या गोपनीयता धोरणातील कोणत्याही बदलांबद्दल आम्ही तुम्हाला सूचित करू. कोणत्याही सुधारणांसाठी वेळोवेळी गोपनीयता धोरणाचे पुनरावलोकन करण्याची संपूर्ण जबाबदारी तुमची असेल. अपडेट केलेल्या अटी प्रकाशित झाल्यानंतर वेबसाइट वापरणे सुरू ठेवून, तुम्ही अपडेट केलेल्या अटींशी तुमची सहमती दर्शवता.

संपर्क माहिती

ए. सहकार्य

तुमची वैयक्तिक माहिती किंवा तुमच्या वैयक्तिक माहितीच्या वापरासंदर्भात या गोपनीयता धोरणाच्या वापराबाबत तुम्हाला कोणतीही माहिती किंवा स्पष्टीकरण हवे असल्यास, कृपया आम्हाला [email protected] वर ईमेल करा.

बी. डेटा गोपनीयता अधिकारी

ONDC द्वारे नियुक्त डेटा गोपनीयता अधिकारी श्री तुषार हसिजा आहेत ज्यांच्याशी [email protected] वर संपर्क साधला जाऊ शकतो.